Venres, 20 de marzo

Bos días, peques!

Hoxe tampouco hai tarefas escolares, pero aquí vos van as ideas de hoxe para pasar un día entretido:

A BUSCA DO TESOURO: podedes esconder un obxecto na casa, e poñer pistas por todas partes. Por exemplo, a primeira pista na mesa da cociña, que poña “atoparás a seguinte pista no lugar onde gardas a roupa”, e que a seguinte pista esté nun armario. No armario outra pista que leve á seguinte... e así ata a pista que vos leve ao tesouro. Podedes xogar facendo vós as pistas e pedíndolle a alguén que faga a busca, ou ao revés: que vos fagan as pistas e vós buscades.

ENTREVISTAS: outra cousa que estou a facer con Carlos é que cada día videochamamos a unha persoa que el escolle, e lle fai unha entrevista. Así de paso ve a eses familiares e amigos que non pode ir ver. Carlos xa entrevistou aos catro avós e ao seu tío! Déixovos a plantilla por se a queredes imprimir, pero é moi sinxela de facer. E por certo, Carlos está a pegar estas entrevistas no seu diario 😉

Un día menos para vernos, peques! 😘

Xoves, 19 de marzo

Bo día, peques!

Hoxe non hai tarefas, que é festivo, pero quero darvos algunha idea para pasar este día da maneira máis entretida posible. 😉

Primeiro, e aproveitando que é o día do pai, podedes facerlle unha carta ou debuxo a papá.

Tamén podedes aprender a xogar á petanca, que se pode xogar se tedes canicas ou pelotas pola casa, pois so fan falla tres, e podedes xogar no mesmo salón ou no corredor da casa os que non tendes xardín, terraza ou patio.

Por último, podo aportar unha suxerencia como nai: algo que estou facendo estes días con Carlos é un diario de cuarentena (idea doutra mamiprofe que coñezo, ningún mérito meu). Collemos unha libreta vella que tiñamos pola casa, e convertémola no diario de Carlos, e nela cada día imos engadindo cousas que imos facendo, investigamos sobre o coronavirus, poñemos fotos... póñovos algunha imaxe por se vos serve de axuda. Se decidides facer algo así, á volta os que queirades podedes traelo a clase para ensinarllo aos compañeiros, ou ir mandándome algunha foto estes días.

Según se nos vaian ocorrendo cousas que engadir a este diario, ireivos contando.

Que teñades un bo día, meus peques! Xa queda un día menos para vernos! 😘😘😘😘