Venres, 12 de xuño

Bos días neste día de regreso a Vigo!

Como última actividade, imos coller o mapa do mundo que fixestes ao principio do proxecto, e ides marcar o percorrido que fixemos nel, engadindo o nome dos países que visitamos. Recórdovolos:

Reino Unido
Italia
Exipto
Rusia
India
China
Xapón
Australia
Estados Unidos


Estivemos case 80 días dando a volta ao mundo, igual ca Willy Fog! Supoño que xa todos vistes a serie de Willy Fog completa. E se vos digo que eses debuxos están baseados nun libro? Pois si! Se clickades no enlace, levaravos ao libro. Avísovos que é moi longo, pero por se queredes lelo aí volo deixo.

LA VUELTA AL MUNDO EN 80 DÍAS

Este libro foi escrito, como vedes, por Julio Verne. Cando sexades máis maiores e mooooito máis lectores aínda do que o sodes agora, recoméndovos calquer libro del porque son todos xeniais.

O caso é que no seu libro “20000 leguas de viaje submarino”, na historia fan unha parada en Vigo. E como homenaxe, na zona do náutico en Vigo temos unha estatua dedicada a Julio Verne. Aquí vos deixo o enlace para que a visitedes, pero se vos animades o finde ou calquer outro día, ide visitala en persoa, facédevos unha foto e mandádesma, vale?

https://goo.gl/maps/YJ37Yfx6NgGUWkXLA


E nada máis, meus peques. Espero que vos gustara moito este proxecto e que o pasarades ben aprendendo cousiñas doutros países viaxando sen saír da casa. Para min foi un pracer compartir esta viaxe con vós. Quérovos moito, peques! 😘😘❤️❤️❤️

Martes, 9 de xuño

Bos días!

Hoxe imos facer unha actividades moi bonita que creo que vos vai gustar. Recordades os atrapasoños?

Como vos dixen, os nativos americanos usaban estes obxectos para espantar aos malos espíritus, e púñanos nas portas dos seus tipis. Pois é o que imos facer nós hoxe!

Primeiro temos que montar o noso tipi.

Podedes facelo dentro da vosa casa usando un par de sillas e unhas mantas, deste xeito...

... ou se tedes xardín ou patio e o preferides, precisades unha corda e unhas mantas.

Agora que temos o noso tipi, imos facer o noso atrapasoños. Podedes usar un plato de papel, ou se nontedes simplemente cartolina ou folio para facer o aro, e del podedes colgar o que queirades... déixovos un par de ideas para facelo.

Ao rematalo teredes que colgalo da porta do voso tipi, e xa so nos queda coller a libreta de linguas, un lapis, meternos dentro do tipi con ela e escribir na libreta eses medos ou pesadelos que queredes que se leve o voso atrapasoños.


Un día menos para vernos, peques! 😘

Luns, 8 de xuño

Bos días!

Comezamos a semana e seguimos visitando os EEUU. Todo listo?

Agora imos repasar os sinónimos, que son as palabras que son diferentes pero que significan o mesmo. Virámolos na clase, pero como é probable que non vos acordedes, póñovos este vídeo para recordalo. Nel fala tamén dos antónimos, pero de momento non vos liedes con iso e fixádevos so nos sinónimos, vale?

Recordades a Toro Sentado? Pois imos ler un pouco sobre a súa vida. No texto darédesvos conta de que hai seis palabras que escribín en maiúsculas. Fixádevos ben nelas.

Ben. Agora quero que escribades na libreta de linguas as palabras do texto que están en maiúscula nunha columna, e ao lado de cada unha poñades o seu sinónimo, que está entre as palabras que vos puxen debaixo do texto.


Imos de paseo no cabalo? Antes de que nolo presten, os xefes indios pídennos que lles axudemos a resolver estes problemas.

https://es.liveworksheets.com/su190724id

E tamén nos piden que saibamos coidar ao seu cabalo mentras nolo prestan, e para iso temos que investigar sobre el.

E xa podemos ir pasear co noso cabalo polo cañón do Colorado, que é o máis longo e fondo do mundo. Premede no link e seguide o sendeiro!

https://goo.gl/maps/nJnDym54XikUqrMG6



Un día menos para vernos, peques! 😘

Xoves, 4 de xuño

Bos días!

Chegamos aos Estados Unidos! Vamos ver que cousas nos imos atopar mentres dure a nosa estancia neste país.

Primeiro de nada a bandeira. Como todas as bandeiras, esta tamén ten un significado. Vedes que ten unhas barras vermellas e unhas estrelas brancas? As 13 barras representan os estados orixinais do país antes de independizarse de Inglaterra. Saberiadesme dicir que significan as 50 estrelas?

E agora imos inventar o noso nome en indio, pero antes vamos ver un vídeo que nos explica o que son os nomes, e o que son os adxectivos. Xa falaramos dos nomes en clase, pero por se non vos lembrades, repasádeo.

Imos practicar isto antes de poñernos a escoller o noso nome indio. Xa sabedes: ao rematar premede en comprobar mis respuestas para ver que tal o fixestes.

https://es.liveworksheets.com/yn114806kf


E agora xa podemos inventar o noso nome indio! Recordades a Toro Sentado? Como vedes, el escolleu un nome, Toro, e un adxectivo, Sentado. Eu voume chamar, por exemplo... Profe Rockeira! Que bos parece? A que me queda ben? 😜

Espero ver ese nomes orixinais vosos!


Nada máis por hoxe. Un día menos para vernos, peques! 😘

Mércores, 3 de xuño

Bos días! Último día en Australia! Veña que hai que ir ao noso seguinte país.

Comezamos cunha ficha de mates dos números anterior e posterior. Podedes facela pinchando no enlace e logo darlle a comprobar as vosas respostas.

Nº anterior y posterior


Xa so nos queda escribir a nosa postal. Hoxe como faciamos ao principio, vale?

E aquí tedes o selo para o voso pasaporte. Espero que vos gustase Australia!

Luns, 1 de xuño

Bos días!

Estrenamos o mes de xuño chegando a Australia.

Coma sempre, comezamos cun vídeo que vos explica o que imos ver en Australia.

Seguimos coa bandeira de Australia, que como vos contei no vídeo, ten incluída a bandeira de Reino Unido por ser antigamente unha colonia dese país.

Agora imos describir a Ópera de Sydney. Na libreta de linguas, vale?

Déixovos o enlace para que visitedes a Ópera de Sydney se queredes.

https://goo.gl/maps/AeFnS9Xef9t3AVE99


E por último, uns problemas para que non esquezamos facelos! Premede no enlace e facédeo na propia ficha online. Ao rematar podedes darlle a comprobar os vosos resultados.

https://es.liveworksheets.com/worksheets/es/Matemáticas/Resolución_de_problemas/Matemáticas_1º_ev111809is

Un día menos para vernos, peques! 😘

Venres, 29 de maio

Bos días, peques!

Imos aproveitar o noso último día en Xapón. Primeiro imos comer sushi, que vos parece?

Pero non o de verdade. Xa sabedes que á profe lle gustan moito as manualidades, así que imos facer sushi con plastilina.

Precisamos plasti negra. Amasámola e logo aplanámola deste xeito.

Engadimos os “ingredientes” que queiramos poñerlle: salmón (plasti rosa), millo (plasti amarela), pemento (plasti verde)... o que se vos ocorra.

Cando os teñamos todos, enrolamos a plastilina negra así:

E agora so temos que cortar para facer os anacos de sushi. OLLO: se tedes un coitelo de plastilina, podedes usalo, pero se ides usar un de verdade, pedídelle axuda a alguén da vosa casa para evitar cortarvos.

Logo se queredes podedes pegar as pezas na libreta de ciencias para que vos queden aí. E se non podedes xogar con elas, desmontalas e volver facer outro sushi distinto... déixoo á vosa elección.


A continuación un sudoku, que xa fixestes moitos, pero sabedes que son de Xapón? Pois aproveitamos e facemos estes dous. O primeiro podedes facelo con legos, se tendes.

Agora a escribir a postal dende Xapón, pero doutro xeito. A semana pasada recordades que me mandastes a postal a min por mail? Pois hoxe tamén a ides facer por mail, pero a un compi da case que escollades. Podedes preguntarlle a ese/esa compi a súa dirección e xa podedes enviarllo. E por suposto, se recibides vós un mail, contestádeo, si?


E xa so nos queda a visita por Tokyo, unha cidade impresionante que seguro que vos gusta. Tokyo é a capital de Xapón, e é unha cidade chea de tecnoloxía. Espero que vos guste!

https://goo.gl/maps/RKX38KcyxzG2qoq47


Xa vos gañastes o voso selo para o pasaporte! Moi ben explorado, peques!

Un día menos para vernos, peques! 😘

Xoves, 28 de maio

Bo día!

Sabiades que moitos dos vosos debuxos favoritos, e tamén os das vosas familias, fanse en Xapón? Bola de dragón, Pokémon, Digimon... este tipo de debuxos chámanse “manga”, pero... sabedes de onde vén o manga? Dos cómics! Iso é o que imos facer hoxe: un cómic.

Podedes escoller os personaxes, inventados ou sacados dalgún manga que vos guste e inventar a vosa propia historia. Para facelo podedes usar a libreta de linguas, e podedes dividir cada páxina nas viñetas (recadros) que precisedes. Non vos pido duración, pero si recordade que a vosa historia ten que ter un inicio, un problema, e un desenlace, vale? E podedes usar tantas páxinas da libreta como necesitedes, ou se vos parece máis cómodo, un folio.

Lembrade que o que digas os personaxes ten que ir en “bocadillos”, eses globos que aparecen porriba e indican quen fala en cada momento.

E por último recordarvos que podedes usar “onomatopeias”, que son os sons escritos.

Como isto vos vai levar bastante, e ademais temos inglés a maiores, non vos poño nada máis por hoxe. Se se vos fai moito podedes facelo en varios días, ou deixar o de inglés para mañán, vale? O importante é que o que fagades o fagades contentos e animados.

Un día menos para vernos, peques! 😘

Mércores, 27 de maio

Boas! Apetécevos ir ver unha pagoda? Pois veña!

Aquí tedes o enlace para vela primeiro de nada.

https://goo.gl/maps/imz99x5AjrwcvC818

Agora imos ler sobre ela e responder unhas preguntas na libreta de linguas, vale?

1. ¿En qué países podemos encontrar pagodas?
2. ¿Con qué fin se construían?
3. ¿Qué atraen las pagodas?
4. ¿Qué tienen en su techo normalmente?
5. ¿Con qué decoraban las pagodas a veces?


Agora imos facer un paipai, que é un abanico típico de Xapón. Para facelo precisamos dous folios e dous depresores ou calquer outro tipo de pauciños.

Primeiro dobramos os dous folios ao longo deste xeito:

Despois dobramolos pola metade así:

Pegamos por dentro da doblez cada un dos folios.

Logo pegamos os dous folios entre si.

Xa so nos queda engadir os depresores.

Xa temos o noso paipai listo! Que ben nos vai vir coa calor que estamos tendo estes días!

E por último imos poñer o Kimono para bailar música típica de Xapón.

Un día menos para vernos, peques! 😘

Luns, 25 de maio

Bo día! Collemos a maleta para ir ao noso novo destino: Xapón.

Introducimos cun vídeo sobre Xapón, coa diferenza de que desta vez non o fixen eu, pero creo que vos gustará moito igualmente e veredes nel moitas das cousiñas que imos traballar esta semana.

Comezamos coma sempre: debuxando a bandeira de Xapón, so que hoxe vos vou encargar unha tarefa de investigación a maiores: que significa o punto vermello da bandeira? En canto o descubrades, quero que mo contedes, vale?

Agora imos poñer o noso nome en xaponés. Seguro que xa vos destes conta de que as letras xaponesas se parecen moito ás chinesas, pero se as comparades darédesvos conta de que son distintas.

Por último para hoxe, imos practicar isto do origami. Aquí tedes un vídeo que vos indica como facer unhas gafas de sol de papel para vós. Espero que desfrutedes facéndoas! 

Se queredes facer máis figuras, tedes moitos vídeos en YouTube cunha infinidade de cousas, so tedes que buscalos. Iso si, quero ver fotiñas!

Un día menos para vernos, peques! 😘

Venres, 22 de maio

Aproveitamos o noso último día en China? Pois veña!

Lembrades que vos falara do panda? Pois imos clasificalo como xa sabedes, e despois facer unha manualidade con papel de periódico.

Despois xa so nos queda escribir a nosa postal desde China. Pero dun xeito distinto esta vez. Quero que fagades un debuxo do que máis vos gustou de China, lle fagades unha foto e ma enviedes ao meu correo, escribindo no correo a vosa mensaxe da postal. O que vós queirades, vale? Prometo contestarvos a todos/as 😉

E por último imos dar un paseo pola Gran Muralla China, pero primeiro un videoconto sobre este monumento. Debaixo tedes o enlace para darvos o paseo pola muralla!

https://goo.gl/maps/a2emusEbVz2jHU2n8

E aquí tedes o voso selo de China para o voso pasaporte!

Gran traballo, peques! Un día menos para vernos! 😘

Xoves, 21 de maio

Bos días!

Hoxe imos aprender sobre unha persoa china moi famosa que ao mellor coñecedes porque é un actor que sae nalgunhas películas moi divertidas que ao mellor xa vistes: Jackie Chan. Imos facer na libreta de linguas un ditado sobre el e despois podedes debuxalo ou imprimir este debuxo del.

“Es un artista marcial, comediante, cantante, actor y acróbata. Nació en Hong Kong. Hizo una película sobre “La vuelta al mundo en 80 días”.

E agora imos facer un farolillo chino. Precisades un folio de cor, ou pintade un branco. Dobrámolo pola metade ao longo deste xeito:

Facémoslle ao folio uns cortes deste xeito:

Agora pegamos ou grapamos así:

Xa so precisamos un frasco do tamaño que precisedes, metelo dentro e porlle a veliña para que alumee.

E para rematar por hoxe, imos aprender sobre a musica e o baile tradicional chino e sobre o kung fu, unha disciplina que naceu en China.

Un día menos para vernos, peques! 😘

Luns, 18 de maio

Bo día, peques!

Comezamos a nosa visita a China! Neste país hai moitas cousas que ver!

Primeiro un vídeo sobre o que imos ver neste marabilloso país.

Empezamos coñecendo e coloreando na libreta de ciencias a bandeira, que como vedes é moi sinxela.

Agora poremos o noso nome en chino. 

E como novidade, ides buscar tamén o voso horóscopo chino. Lembrade que tedes que buscar o ano no que nacestes, vale?

Por útimo unha curta que seguro que vos gusta. Trata da envexa e dos celos, que ben seguro que algunha vez os sentistes coma todo o mundo. Si, a vosa profe tamén! E está moi ben sempre que se saiban levar esas emocións por un camiño positivo e non polo negativo, como lle pasa a esta nena...

Un día menos para vernos, peques! 😘