Mércores, 10 de xuño

Bos días, peques!

Hoxe imos visitar Times Square. No vídeo do principio faleivos dunha bola que había alí, e pedíavos que vos fixarades nela.

Esa bola úsase en fin dano para dar as “badaladas”, que alí non se chaman así, simplemente fan unha conta atrás dende o 10 ao 0 durante os dez últimos segundos do ano, o día 31 de decembro (CUMPLE DO NOSO COMPI PAULO!). Neses dez segundos, a bola cae despaciño, e cando chega abaixo significa que acabou o ano e comeza o seguinte. Queredes velo?

Vistes? A bola forma parte dun reloxo!

Pois imos practicar a hora, vale?

https://es.liveworksheets.com/fo100062rb


Lembrades a danza da chuvia dos nativos americanos? Pois imos aproveitala para repasar o ciclo da auga, vale?

https://es.liveworksheets.com/as605507js


E agora a bailar outra canción! Acordádevos de poñer o penacho indio para bailala, vale?

Luns, 8 de xuño

Bos días!

Comezamos a semana e seguimos visitando os EEUU. Todo listo?

Agora imos repasar os sinónimos, que son as palabras que son diferentes pero que significan o mesmo. Virámolos na clase, pero como é probable que non vos acordedes, póñovos este vídeo para recordalo. Nel fala tamén dos antónimos, pero de momento non vos liedes con iso e fixádevos so nos sinónimos, vale?

Recordades a Toro Sentado? Pois imos ler un pouco sobre a súa vida. No texto darédesvos conta de que hai seis palabras que escribín en maiúsculas. Fixádevos ben nelas.

Ben. Agora quero que escribades na libreta de linguas as palabras do texto que están en maiúscula nunha columna, e ao lado de cada unha poñades o seu sinónimo, que está entre as palabras que vos puxen debaixo do texto.


Imos de paseo no cabalo? Antes de que nolo presten, os xefes indios pídennos que lles axudemos a resolver estes problemas.

https://es.liveworksheets.com/su190724id

E tamén nos piden que saibamos coidar ao seu cabalo mentras nolo prestan, e para iso temos que investigar sobre el.

E xa podemos ir pasear co noso cabalo polo cañón do Colorado, que é o máis longo e fondo do mundo. Premede no link e seguide o sendeiro!

https://goo.gl/maps/nJnDym54XikUqrMG6



Un día menos para vernos, peques! 😘

Venres, 5 de xuño

Bos días, peques!

Seguimos aprendendo sobre os Estados Unidos? Vamos!

Recordades que vos falei do circuito de Indiannapolis? Nel fanse algunhas das carreiras de coches máis famosas do mundo. Mirade este vídeo de exemplo.

Se vos fixastes, na parte de arriba ían aparecendo uns números que nos dicían en que orde ían os coches.

Este tipo de números que nos indican a orde dalgo, chámanse números ordinais. Tédelos, por exemplo, nos cursos polos que ides pasar no cole: 1º, 2º, 3º, 4º, 5º e 6º. Tamén se usan para indicar o resultado dunha carreira, os pisos dun edificio... están por todas partes! Imos practicalos ata o 10º.

Agora premede no enlace e a practicar! E despois se queredes podedes practicalo cos vosos coches, facer unha carreira e despois ordealos según como quedaron.

https://es.liveworksheets.com/ik235381pe

Ao longo da nosa estancia imos ir transformándonos en indios, vale?

Comezamos por facer a nosa coroa (penacho) indio. Podedes facela cos materiais que queirades e engadíndolle o que vos apeteza. Déixovos esta a modo de exemplo.

Cando a teñades, poñédela e xa podedes bailar esta canción!

Un día menos para vernos, peques! 😘

Mércores, 3 de xuño

Bos días! Último día en Australia! Veña que hai que ir ao noso seguinte país.

Comezamos cunha ficha de mates dos números anterior e posterior. Podedes facela pinchando no enlace e logo darlle a comprobar as vosas respostas.

Nº anterior y posterior


Xa so nos queda escribir a nosa postal. Hoxe como faciamos ao principio, vale?

E aquí tedes o selo para o voso pasaporte. Espero que vos gustase Australia!

Luns, 1 de xuño

Bos días!

Estrenamos o mes de xuño chegando a Australia.

Coma sempre, comezamos cun vídeo que vos explica o que imos ver en Australia.

Seguimos coa bandeira de Australia, que como vos contei no vídeo, ten incluída a bandeira de Reino Unido por ser antigamente unha colonia dese país.

Agora imos describir a Ópera de Sydney. Na libreta de linguas, vale?

Déixovos o enlace para que visitedes a Ópera de Sydney se queredes.

https://goo.gl/maps/AeFnS9Xef9t3AVE99


E por último, uns problemas para que non esquezamos facelos! Premede no enlace e facédeo na propia ficha online. Ao rematar podedes darlle a comprobar os vosos resultados.

https://es.liveworksheets.com/worksheets/es/Matemáticas/Resolución_de_problemas/Matemáticas_1º_ev111809is

Un día menos para vernos, peques! 😘

Venres, 29 de maio

Bos días, peques!

Imos aproveitar o noso último día en Xapón. Primeiro imos comer sushi, que vos parece?

Pero non o de verdade. Xa sabedes que á profe lle gustan moito as manualidades, así que imos facer sushi con plastilina.

Precisamos plasti negra. Amasámola e logo aplanámola deste xeito.

Engadimos os “ingredientes” que queiramos poñerlle: salmón (plasti rosa), millo (plasti amarela), pemento (plasti verde)... o que se vos ocorra.

Cando os teñamos todos, enrolamos a plastilina negra así:

E agora so temos que cortar para facer os anacos de sushi. OLLO: se tedes un coitelo de plastilina, podedes usalo, pero se ides usar un de verdade, pedídelle axuda a alguén da vosa casa para evitar cortarvos.

Logo se queredes podedes pegar as pezas na libreta de ciencias para que vos queden aí. E se non podedes xogar con elas, desmontalas e volver facer outro sushi distinto... déixoo á vosa elección.


A continuación un sudoku, que xa fixestes moitos, pero sabedes que son de Xapón? Pois aproveitamos e facemos estes dous. O primeiro podedes facelo con legos, se tendes.

Agora a escribir a postal dende Xapón, pero doutro xeito. A semana pasada recordades que me mandastes a postal a min por mail? Pois hoxe tamén a ides facer por mail, pero a un compi da case que escollades. Podedes preguntarlle a ese/esa compi a súa dirección e xa podedes enviarllo. E por suposto, se recibides vós un mail, contestádeo, si?


E xa so nos queda a visita por Tokyo, unha cidade impresionante que seguro que vos gusta. Tokyo é a capital de Xapón, e é unha cidade chea de tecnoloxía. Espero que vos guste!

https://goo.gl/maps/RKX38KcyxzG2qoq47


Xa vos gañastes o voso selo para o pasaporte! Moi ben explorado, peques!

Un día menos para vernos, peques! 😘

Martes, 26 de maio

Bo día, peques!

Hoxe imos coller o metro de Tokyo para ir a diversos lugares, pero primeiro temos que aprender a ler un mapa, porque mirade que lío de liñas de cores!

Por agora esquecede o mapa do metro, que imos aprender con algo moito máis sinxelo. Que vos parece facer un mapa da vosa casa? Tedes que debuxar os espazos coma se os virades dende arriba, coma dende un avión. Logo poñede o nome de casa habitación, para que vos quede máis ou menos algo coma isto:

Este tipo de mapas feitos coma se miraramos dende arriba chámase planos. Pois a ver que chulos vos quedan os planos das vosas casas!


Recordades as carpas do vídeo? Pois estes son os peixes koi, moi famosos en Xapón.

Apetécevos facer unha manualidade para ter os propios peixes koi e ampliar a nosa colección de cousas da volta ao mundo. Aquí a tedes. E se queredes podédeslle engadir un pauciño e un fío e que fagan de cana de pescar. Como vos guste a vós!

E por último imos aprender sobre a ceremonia do té. É unha tradición moi antiga de Xapón, e que se fai con moito silencio e moita paz arredor, e pódese meditar ou simplemente pechar os ollos e escoitar o silencio. Se queredes podedes probar na vosa casa.

Un día menos para vernos, peques! 😘

Mércores, 20 de maio

Bos días! Seguimos en China vendo cousiñas.

Acordádesvos que onte fomos en triciclo? Fixástesvos que o triciclo ten 3 rodas? Pois hoxe imos ordenar estes vehículos de menos a maior segundo o seu número de rodas, vale? Podedes debuxalos ou escribir os nomes dos vehículos, pero lembrade ir poñendo o simbolo < despois de cada un.

En China hai un clima que se chama monzón, que é nunha época do ano na que chove moito. MOITÍSIMO. Pero... sabedes por que chove? Como chega esa auga toda ao ceo, e por que cae en forma de chuvia, saraiba ou neve? Pois agora imos facer un experimento, pero primeiro imos ver un vídeo que nos explica o ciclo da auga.

E agora imos crear o noso propio ciclo da auga en miniatura. Previsades unha bolsa de conxelar, un rotu permanente, e auga! Co rotu imos debuxar na bolsa o mar, a montaña, as nubes e un río.

Agora botamos un pouco de auga dentro da bolsa e pechámola ben.

E por último imos pegar a bolsa nunha ventá onde dé o Sol, con cinta adhesiva por exemplo. Co tempo veredes que se forman pequenas gotiñas na parte superior da bolsa. Se pasades o dedo porriba desas gotiñas, xuntarédelas entre elas, e ao xuntalas pesarán demasiado e caerán de novo ao fondo da bolsa. É dicir, que faredes chover dentro da vosa bolsa! 

Como xa vos dixen, un dos animais máis famosos de China é o dragón, así que imos facer unha máscara de dragón. Podedes debuxala vós mesmos, pero tendo en conta que sexa do tamaño da vosa cara.

Cando a teñades feita, so tedes que recortala e poñerlle ou ben unha goma, ou ben un pau depresor pegado por detrás para agarrala. Non vos esquezades de recortar os ollos para que poidades ver con ela posta! 

Un día menos para vernos, peques! 😘

Martes, 19 de maio

Bo día!

Imos ir de paseo ata a cidade prohibida de Pekín. Imos ir nun dos transportes típicos de China: o triciclo.

(Na libreta de mates, vale?) Primeiro percorremos 12 kilómetros, despois 14 e por ultimo 15. Cantos kilómetros percorremos en total?


E chegamos á cidade prohibida de Pekín. Mirade que chula é!

Pero temos un problemiña... non imos poder entrar a menos que descifremos o contrasinal para que nos baixen a ponte levadiza! 😱 É un código de 5 caracteres, e as pistas son estas:

1. A quinta letra do abecedario.
2. O número que falta nesta secuencia: 5<_<7
3. O resultado de 9-6=
4. A última letra do abecedario.
5. O resultado de 2+2+2+2=

Cando o teñades, premede na bandeira verde e introducídeo aquí a ver se está correcto.




Perfecto! Fostes quen de desbloquear a ponte levadiza e xa podedes entrar a ver esta cidade única no mundo.

https://goo.gl/maps/S1XwGHv6eUqKorX58

E por último imos facer arroz 3 delicias, pero na libreta de ciencias. Temos que debuxar unha cunca máis ou menos coma esta:

Onde vai o arroz, ides botar unha cantidade xenerosa de cola e porriba ides pegarlle arroz para facer a nosa cunca de arroz. Se tedes por casa uns palillos chinos, podedes pegalos tamén ou se non debuxalos simplemente. De título poñede “arroz tres delicias”, e aquí vos deixo a receita por se a queredes facer un día destes.

https://www.pequerecetas.com/receta/arroz-tres-delicias/

Un día menos para vernos, peques! 😘

Xoves, 14 de maio

Bos días!

Hoxe chove, así que imos pasar un ratiño no hotel xogando mentres esperamos a que pare de chover. Aquí tedes un xogo para entretervos!

https://www.mundoprimaria.com/juegos-educativos/juegos-matematicas/conceptos-anterior-siguiente-07

Parece que xa parou, así que xa podemos saír e seguir explorando a India. Imos ver os animais da India? Os máis coñecidos son o tigre de Bengala e a cobra india.

Imos investigalos entón como xa sabedes, e debuxalos. A ver que chulos vos quedan!

Recordades as mandalas que tanto vos gustaba colorear na clase? Pois tamén son da India, así que imos debuxar unha. Si, si: debuxala! Botádelle imaxinación e a ver que chula vos queda.

E por último imos facer un pouco de ioga, que por se non o sabes, o ioga vén da India.

Un día menos para vernos, peques! 😘

Martes, 12 de maio

Bos días! Seguimos na India. Hoxe de animais vai a cousa. Listos?

Primeiro imos alimentar ao noso elefante antes de saír en paseo para que vaia cheo de forzas.

(Libreta de mates) Primeiro dámoslle 6 kilos de cacahuetes, e logo 7 kilos de herba. Cantos kilos de comida comeu en total?

Chegamos ao noso destino, e o primeiro que atopamos alí é un encantador de serpes! Imos ler sobre el e responder a unhas preguntiñas na libreta de linguas despois, vale?

E por último hoxe, sabiades que na India as vacas se consideran animais sagrados? Trátanas coma se fosen deusas, e é ilegal facerlles calquer tipo de dano. Imos colorear esta vaquiña, pero dun xeito especial. (Os que non poidades imprimila, podedes coloreala no móbil ou na tablet con calquer editor de fotos que teñades). Despois de coloreala, imos enfocar o código que ten abaixo e a ver que pasa...

Nota: algúns móbiles len os códigos QR coa propia cámara do dispositivo. Para os que non teñan esa opción, podedes descargar calquer app de lector de codigos QR, como por exemplo “QR Code RW”.

Un día menos para vernos, peques! 😘

Mércores, 6 de maio

Bos días, peques! Vamos de paseo no trineo, veña!

Para que os nosos huskies non se cansen, temos que facer unha paradiña con eles. No primeiro tramo recorremos 28 kilómetros e no segundo 24. Cantos percorremos en total? (Na libreta de mates, ok?)

Como imos pola neve e o xeo, imos aproveitar para facer un experimento con xeo. Déixovos este video no que podedes ver como facelo e como é o resultado. Xa mandaredes fotiñas.

E por último unha receita dun prato típico de Rusia, que seguro que xa coñecedes, e como xa empeza a facer calor seguro que vos apetece: a ensaladilla rusa. Hai moitos tipos desta ensaladilla en Rusia, pero eu decidín poñervos a que coñecemos máis aquí. De tódolos xeitos, se queredes podedes investigar por internet sobre outras receitas de ensaladillas rusas e escoller a que máis vos saiba!

Un día menos para vernos, peques! 😘

Mércores, 29 de abril

Bos días, peques! Seguimos nas pirámides.


Fixástesvos que hai varias pirámides e de distintos tamaños? Pois imos xogar a ordenalas de menor a maior, usando o nome de cada pirámide, e os símbolos maior e menor que: < > . Os símbolos dos cocodrilos, recordades?

Glc < Glb < ........ < ....... < ....... < .......

E xa nos depedimos das pirámides con dúas cousiñas. A primeira é que constrúades a vosa propia pirámide de Exipto. Coma sempre, non tedes por que imprimir isto, podedes facer o debuxo con axuda dalguén da vosa casa, e logo decorala, recortala e pegala. E ao rematar, podedes poñela onda a cabina de Londres e a torre de Pisa. Xa vai collendo forma o noso recuncho de recordos da volta ao mundo, eh?

Esta para os que prefirades debuxala

Esta para os que prefirades imprimila

A segunda cousa é esta película de playmobil chamada “La maldición del faraón “. Xa sabedes que nas pirámides era onde os exipcios enterraban aos faraóns (os reis). Espero que vos guste!

Un día menos para vernos, peques!😘

Martes, 28 de abril

Bos días, peques! Seguimos en Exipto. A ver que podemos ver hoxe... Apetécevos que vaiamos ver as pirámides? Pois veña!

Como estamos en Exipto, pois imos ir ata as pirámides no transporte típico dalí: o camelo. Para poder coidar ben del durante a viaxe, teremos que aprender cousiñas sobre el. Imos debuxalo e completar os datos sobre el investigando a seguinte información (tedes que rodear a opción correcta en cada liña):

Como sempre vos digo, non fai falla imprimir a imaxe, podedes na libreta de ciencias poñer o nome do animal, debuxalo, e escribir as súas características.

Moi ben. Xa podemos arrancar cara as pirámides entón. Como os camelos teñen que facer paradas para comer e beber, non podemos ir do tirón, así que temos que facer dúas paradas no camiño. Na libreta de mates, podedes calcular isto?

“No primeiro percorrido facemos 21 kilómetros. No segundo facemos 23 kilómetros. E no terceiro facemos 22 kilómetros. Cantos kilómetros percorremos en total?”

E chegamos ao noso destino: as pirámides. A máis grande de todas, é a pirámide de Keops ou pirámide de Giza. Imos ler sobre ela, e responder unhas preguntas na libreta de linguas.

 

Nada máis por hoxe. Un día menos para vernos, peques! 😘

Xoves, 23 de abril

Bos días, peques!

Hoxe é o noso penúltimo día en Italia. Imos visitar a Torre de Pisa, que é esa torre inclinada que vos ensinei no vídeo de Italia. E que vos parece facer unha? Así poderemos poñela ao lado da nosa cabina de Londres, para ir aumentando a nosa colección da volta ao mundo. E como non, farémolo cun tubo de papel hixiénico, pero se queredes facelo con outra cousa que se vos ocorra, sodes libres de experimentar coa vosa creatividade!

Precisamos desta dous tubos en vez de un. Metedes un dentro do outro coma na imaxe.

Logo, por dentro teredes que unilos con cinta adhesiva, coma na imaxe:

Agora pintamos todo de branco, que pode ser con cera, lápis ou témperas.

Por último xa so nos queda facer cun rotu negro as ventás por toda a torre. Recordade tamén cortarlle un anaquiño pequeno na parte de abaixo para que vos quede inclinada coma a torre de verdade.

Agora imos coñecer a Leonardo da Vinci, que foi o inventor máis importante de tódolos tempos. Aparte, tamén foi pintor, escritor, músico, matemático...

Imos ver un vídeo sobre el para coñecelo mellor (suxerido pola profe Bea).

Primeiro un pequeno ditado sobre el na libreta de linguas (podedes debuxalo tamén):

“Leonardo vivió en Italia y fue pintor, médico, arquitecto, científico, escultor, inventor, músico y escritor.”

Como inventor que foi, imos intentar recrear esta ponte que inventou el. Podedes facelo con palillos ou con depresores se tedes. Non vale usar cola ou pegamento! Ao rematalo podedes probar a poñer algún moneco sobre el, e veredes que a ponte non cae!

Un día menos para vernos, peques! 😘

Mércores, 22 de abril

Bos días, peques! Seguimos coñecendo Italia.

Sabiades que na antiga Roma non usaban os números coma os nosos? Usaban letras para poñer os números. Imos ver este vídeo sobre isto, e logo facer un pequeno problema, vale?

Entón:

I ➡️ 1

V ➡️ 5

X ➡️ 10

Sabendo isto, podedes dicir, na libreta de mates, que números son estes?

III ➡️
VI ➡️
XII➡️
XV➡️

Como vos dixen no vídeo do noso primeiro día en Italia, a comida típica alí é a pizza. Facemos unhas pizzas entón? Aquí vos deixo unha gran lista de ingredientes, e que cada un de vós decida cales poñerlle a súa pizza. Pero quero que escribades na libreta de linguas os que escollades, eh? Podedes poñer de título “A MIÑA PIZZA FAVORITA”, escribir o nome dos ingredientes, e debuxala se queredes. Déixovos exemplos tamén.

E por último que vos parece dar unha volta en góndola polas rúas de Venecia? Seguro que vos encanta!

https://goo.gl/maps/NUZ75XaLSnxdMsaM9

Aproveitando que estamos en Venecia, e que o seu carnaval é un dos máis famosos do mundo, podedes investigar pola vosa conta as máscaras de entroido de Venecia, e facervos unha para vós. E recordade que, como todo o que facemos, isto tamén é voluntario! Igualmente, se as facedes, quero fotiñas!

Un día menos para vernos, peques! 😘

Venres, 17 de abril.

Bos días! Outro día máis en Londres, pois imos desfrutalo!

Hoxe imos visitar o Big Ben e o Parlamento. Supoño que xa vos fixastes en que o Big Ben ten un gran reloxo na súa parte superior, pero... vós sabedes ler as horas? Seguro que si, pero por se acaso non, podedes ver este vídeo que vos fixen sobre as horas e como lelas.

Agora na libreta de mates, sabedes dicir que hora marca o Big Ben nestas imaxes?

Agora imos aprender sobre Shakespeare. Non o coñecedes? Pois é un dos escritores máis famosos do Reino Unido de tódolos tempos. Imos facer un pequeno ditado sobre el na libreta de linguas. E o que queira, pode debuxalo despois do ditado.

“Fue un escritor, poeta y actor inglés. Es el escritor más importante en lengua inglesa. Escribió ‘Romeo y Julieta’.”

E por último, que seguro que o estades desexando, unha musiquiña inglesa, non? Pero primeiro unha pregunta: que grupo inglés me gusta moito? Exacto! QUEEN! O grupo que, xuntos cos Beatles e os Rolling Stones, son os máis importantes de Inglaterra. Así que aquí vos deixo varias cancións deles. A BAILAR!

Xa o sabemos todo de Londres! Así que xa podedes poñer o primeiro selo no voso pasaporte. Aquí o tedes para debuxar:

E aproveitando que é fin de semana, déixovos un enlace para que vos dedes un paseo virtual por Londres os que queirades. Apareceredes nun barco percorrendo o río Támesis, pero se vos arrimades á beira, poderedes recorrer as súas rúas tamén. So tedes que ir premendo nas flechiñas para movervos, e podedes ir xirando a imaxe en todo momento para ir vendo o que hai ao voso redor.

https://goo.gl/maps/qVKy4ZPdAoHQGMFR9

Un día menos para vernos, peques! 😘